काठमाडौँ - निर्मला हत्या प्रकरणको पछिल्लो जानकारी माग गर्दा गृहमन्त्री रामबहादुर थापाले दिन इन्कार गरेका छन् । संघीय संसदको राज्य व्यवस्था समितिको आइतबार बसेको बैठकमा समितिका सदस्यद्वय देवेन्द्रराज कडेँल र प्रेम सुवालले पन्त हत्याको पछिल्लो जानकारी माग गरेका थिए ।
प्रति उत्तरमा गृहमन्त्री थापाले बैठक नागरिकता ऐन संशोधन विधेयकको छलफलका लागि बोलाइएको बताउँदै निर्मला हत्या प्रकरणबारे जानकारी दिने उपयुक्त ठाउँ नभएको बताएका थिए ।
यस्तै राज्यव्यवस्था समिति सभापति शशि श्रेष्ठले निर्मलाको बलात्कार पछि भएको हत्याको विषयमा मन्त्रीसँग छलफल भइरहेको र चाडै यस विषयमा केन्द्रीत भएर छलफल गरिने बताइन् ।
१३ वर्षीया निर्मलाको हत्याभएको लामो समय बितिसक्दा पनि हत्याराको पहिचान हुन सकेको छैन । दोषीलार्इ कारबाहीको माग गर्दै अनशनमा बसेका उनका बुबाआमाको स्वास्थ्य अवस्था कमजोर बन्दै गइरहेको छ । उनीहरु कञ्चनपुर जिल्ला प्रशासनको कार्यालय अघि अनशन बसेका छन् ।
प्रकाशित: Dec 31, 2017| 18:23 आइतबार, पुस १६, २०७४