काठमाडौं- सहिद स्मारक ‘ए’ डिभिजन लिग अन्तर्गत रुस्लान थ्री स्टारले ब्रिगेड ब्वाइजलाई फराकिलो गोल अन्तरले पराजित गरेको छ । रुस्लान थ्री स्टारले ब्रिगेड ब्वाइजलाई ५-१ को फराकिलो गोल अन्तरले पराजित गरेकमा हो ।
पहिलो हाफमा १-० ले अग्रता लिएको थ्री स्टारले दोस्रो हाफमा थप ४ गोल गर्दा, ब्रिगेड ब्वाइजले एक गोल मात्र फर्काउन सक्यो । पहिलो हाफको ८ औं मिनेटमा थ्री स्टरका रन्जित धिमालले ब्रिगेड ब्वाइजविरुद्ध अग्रता दिलाएका थिए ।
त्यस्तै खेलको ५२ औ मिनेटमा सुनिल बलले गोल गर्दै टोलीको अग्रता दोब्बर पारे । ८५ औं मिनेटमा थ्री स्टारका रञ्जन बिष्टले एक गोल गर्दै अग्रता ३-१ को बनाउदा, त्यसको पाँच मिनेट नबित्दै निराज खड्काले एक गोल गरे ।
खेलको इन्जुरी समयमा हेडर मार्फत बिक्रम लामाले गोल गर्दै टोलीलाई फराकिलो अन्तरले जिताए । तर, ७४ औं मिनेटमा ब्रिगेड ब्वाइजका रन्जित तिवारीले टोलीलाई खेलमा फर्काउने प्रयार गरे पनि थप गोल नहुदा ब्रिगेड ब्वाइजका ५-१ ले पराजित भएको हो ।
राष्ट्रिय खेलाडीले भरिपुर्ण थ्री स्टारले निकै ने आक्रमक खेल प्रस्तुत गरेको थियो । आफ्नो पहिलो खेलमा फ्रान्डस क्ललाई २-१ ले पराजित गरेको थ्रीस्टारको यो लगातार दोस्रो जित हो ।
यस जितसँगै थ्रीस्टारको २ खेलमा ६ अंक भएके छ भने ब्रिगेड ब्वाइजले आफ्नो दुबै खेल गुमाएको छ । ब्रिगेड ब्वाइजल पहिलो खेल मनाङ मस्र्याङ्दीसँग ३-१ ले पराजित भएको थियो ।
प्रकाशित: Dec 31, 2017| 18:23 आइतबार, पुस १६, २०७४