गोरखालीको खुकुरी अनलाइनमा (फोटोफिचर)

खुकुरी नेपाली वीरताको पहिचान । खुकुरीकै भरमा हाम्रा वीर सपूतले मुलुकको इतिहास रचेको सबैसामु छर्लंग छ । दैनिक जनजीवनमा नयाँ नयाँ औजारहरूको आविष्कार भए पनि हाम्रो मौलिक हतियार खुकुरीको महत्त्व घटेको छैन ।

नेपालको केही जातिले खुकुरी बनाउने कार्यलाई आफ्नो पुख्‍यौली पेसा बनाउँदै आएका छन् । त्यस्तै व्यावसायिक रूपमा खुकुरी बनाई बेच्ने प्रचलन पनि बढ्दो छ । ललितपुरको पाटन औद्योगिक क्षेत्रमा परम्पराग रुपमै विभिन्न डिजाइनका खुकुरी उत्पादन गरिन्छ । पुराना गाडीको पत्ताबाट बनाइने यस्ता खुकुरीको माग स्वदेश तथा विदेशबाट भइरहेको व्यवसायी बताउँछन्।

पहिला आरान तथा खुकुरी उद्योगबाट मात्र बिक्री वितरण हुने गरेको खुकुरी अहिले अनलाइनबाट बिक्री हुन थालेको छ। द खुकुरी हाउस, खुकुरीहाउस अनलाइनलगायतबाट कुखुरीको अनलाइन बिक्री हुने गरेको खखी  वेवसाइटका प्रबन्ध निर्देशक सरोज लामाले बताए।