‘ए’ डिभिजन लिग : पुलिस र मछिन्द्रले बराबरी खेले

काठमाडौं- सहिद स्मारक ‘ए’ डिभिजन लिग अन्तर्गत विभागिय टोली नेपाल पुलिस क्लब र मछिन्द्र क्लबको खेल गोलरहित बराबरी खेलेका छन् । यससँगै पुलिस र मछिन्द्रले अंक बाँडेका छन् । 

लिगको पहिलो खेलमा पनि गोल रहित बराबरी खेलेको मछिन्द्रले आफ्नो दोस्रो खेलमा पनि रक्षात्मक रणनीति अपनाउँदै गोलरहित बराबरी खेलेको हो । पहिलो खेलमा जावलाखेलसँग १-० ल विजय भएको पुलिसले मछिन्द्रको रक्षात्मक रणनितीलाई तोड्न नसक्दा अंक बाढ्न बाध्य भएको हो । 

राष्ट्रिय खेलाडीको उपस्थिति रहेको पुलिसले मछिन्द्रलाई दबाबमा राखेपनि गोल गर्न भने सकेन् । मछिन्द्रका गोलरक्षक दीप कार्कीले केहि राम्रो बचाउ गरेका थिए । पुलिसले आक्रमक रणनीति अपनाउँदै खेलेपनि मछिन्द्रको डिफेन्सले कमै मौका दिएको थियो । 

पुलिसले २ खेलमा १ जित र १ बराबरीसँगै ४ अंक जोडेको छ । मछिन्द्रको २ खेलमा २ बराबरीसँगै २ अंक छ ।