काठमाडौं–हेटौडाको पशुपतिनगरमा आइतबार भएको ट्रक दुर्घटनामा परी दुई जनाको मृत्यु भएको छ । दुर्घटनामा हेटौडा ४ का सुदीप घिमिरे र स्थानीय गंगा चेम्जोङको मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक नरेशकुमार सिंहले जानकारी दिए ।
पौने १२ बजे बाराबाट मकै बोकेर हेटौडा आउँदै गरेको ना ६ ख ७०१७ नम्बरको ट्रक अनियन्त्रित भएर पशुपतिनगरमा दुर्घटनामा परेको हो ।
ट्रकले ना१ह८९५९ नम्बरको अलोरिक्सा र ना४६प ६२१ नम्बरको मोटसाइकललाई किचेको थियो । ट्रकले किचेका मोटरसाइकल चालक घिमिरे र चेम्जोङको उपचारका क्रममा हेटौडा अस्पतालमा निधन भएको हो ।
ट्रकका चालकलाई प्रहरीले नियन्त्रणमा लिएको छ । दुर्घटनाका कारण खुल्न सकेको छैन् ।
प्रकाशित: Dec 31, 2017| 18:23 आइतबार, पुस १६, २०७४