एजेन्सी- अन्तराष्ट्रिय मैत्रिपुर्ण फुटबल खेलमा अमेरिकालाई पराजित गर्दै वायन रोनीले खेल जिवनबाट बिदाई लिएका छन् । बिहिबार राति भएको अन्तराष्ट्रिय मैत्रिपुर्ण फुटबलमा इंग्ल्यान्डले अमेरिकालाई ३-० गोल अन्तरले हराएको हो ।
इंग्ल्यान्डका लागि जेसे लिङ्गाड, एलेक्जेन्डर एर्नोल्ड र विलसनले गोल गरेका थिए । खेलकने पहिलो हाफमा नै २-० को अग्रता लिएको इंग्ल्यान्डले दोस्रो हाफमा थप एक गोल गरेको थियो । खेलको २५ औ मिनेटमा जेसे लिङ्गार्डको मार्फत अग्रता लिएको इंग्ल्यान्डका लागि २७ औं मिनेटमा एलेक्जेन्डर एर्नोल्डले गोल गर्दै पहिलो हाफमा टोलीको अग्रता दोब्बर बनाएका थिए । त्यस्तै ७७ औ मिनेटमा विलसनले थप एक गोल गर्दै इंग्ल्यान्डलाई ३-० ले जित दिलाए ।
लिङ्गार्डको स्थानमा दोस्रो हाफमा मैदान छिरेका रोनीले केही आकर्षक मुभ बनाउनुका साथै गोलका केही सुन्दर अवसर समेत प्राप्त गरेका थिए । रुनी कप्तानको भूमिकामा मैदान छिरेका थिए । इंग्ल्यान्डका प्रशिक्षक ग्यारेथ साउथगेटले मैत्रिपुर्ण खेलमा युवा खेलाडीलाई मौका दिएका थिए ।
मैत्रिपुर्ण खेलमा जितसंगै रोनीले अन्तराष्ट्रिय फुटबल करियरबाट सुखद बिदाई लिएका छन् । इंग्ल्यान्डका लागि १ सय २० क्याप खेलेका रोनीको नाममा सर्वाधिक गोलको कीर्तिमान समेत छ ।
म्यानचेस्टर युनाइटेड र एभर्टनका पुर्व स्ट्राइकर समेत रहेका रुनीले इंग्ल्याण्डका लागि कीर्तिमानी ५३ गोल गरेका छन् । ३३ बर्षीय रुनीले सन् २०१७ मै अन्तर्राष्ट्रिय फुटबलबाट सन्यास घोषणा गरेका थिए ।
प्रकाशित: Dec 31, 2017| 18:23 आइतबार, पुस १६, २०७४