एजेन्सी- टी२० महिला विश्वकपमा श्रीलंकाले जित हात पारेको छ । बुधबार राति भएको खेलमा श्रीलंकाले बंगलादेशलाई २५ रनले पराजित गर्दै जित हात पारेको हो ।
यस जितसँगै श्रीलंका समूहको दोस्रो स्थानमा रहदै अघिल्लो चरण प्रवेशको सम्भावना बलियो बनाएको छ । बर्षाका कारण प्रभावित आफ्नो पहिलो खेलमा इङ्ल्याण्डसँग अंक बाँडेको श्रीलंकाले ३ अंक जोडेको छ ।
९८ रनको लक्ष्य पछ्याएको बंगलादेश ७२ रनमा अलआउट भएको थियो । बंगलादेशका लागि निगर सुल्तानले बनाएको २० रन नै टोलीको सर्वाधिक एकलो खेलाडीले जोडेको रन हो ।
यसअघि, पहिले ब्याटिङ गरेको श्रीलंकाले निर्धारित ओभरमा ७ विकेट गुमाएर ९७ रन बनाएको थियो । शशिकला शिरिवार्दनेले टालीका लागि सर्वा्धिक ३१ रन बनाएकी थिईन् । बंगलादेशकी जहानारा आलमले सर्वा्धिक ३ विकेट लिईन् । इङ्ल्याण्ड २ खेलबाट ३ अंक सहित शीर्ष स्थानमा छ । बंगलादेश तीनै खेलमा पराजित छ ।
प्रकाशित: Dec 31, 2017| 18:23 आइतबार, पुस १६, २०७४