एजेन्सी- स्पेनिस क्लब बार्सिलोनाका कप्तान लियोनल मेस्सीले सर्वाधिक गोलकर्ता र वर्षको उत्कृष्ट खेलाडीको अवार्ड थापेका छन् । उनले ला लिगाको सिजन २०१७-१८ मा गरेको सर्वाधिक गोल वर्षको उत्कृष्ट खेलाडीको अवार्ड थापेका हुन् ।
३१ वर्षीय मेस्सीलाई ला लिगाको पिचिची अवार्ड र वर्ष खेलाडीको अवार्ड एकसाथ प्रदान गरिएको थियो । पिचिची अवार्ड ला लिगमा सिजनभरमा सर्वाधिक गोल गर्ने खेलाडीलाई दिइन्छ । यता, वर्ष खेलाडीको अवार्ड भने वर्षभरिको प्रदर्शनका आधारमा एक उत्कृष्ट खेलाडीलाई दिइने गरिन्छ ।
यस वर्ष अर्जेन्टिनी मेस्सीले पिचिची र वर्ष खेलाडीको गरी दुवै अवार्ड जितेका हुन् । गत वर्ष बार्सिलोनालाई ला लिगाको उपाधि जिताउनेक्रममा मेस्सीले महत्वपूर्ण भूमिका खेल्दै सिजनभरमा ३६ खेल खेल्दै ३४ गोल गरेका थिए । अघिल्लो सिजन उनले ३७ गोल गरेका थिए ।
हालसम्म मेस्सीले पिचिची अवार्ड कूल ५ पटक जितेका छन् । यसअघि उनका खास प्रतिस्पर्धी रहेका रियल मड्रिडका पूर्वखेलाडी क्रिस्टियानो रोनाल्डोले यो अवार्ड ३ पटक जितेका छन् । मेस्सीले पछिल्ला ३ सिजन यो अवार्ड लगातार जितेका छन् ।
२०१५-१६ मा यो अवार्ड बार्सिलोनाकै लुइस स्वारेजले जितेका थिए । त्यसयता मेस्सीले यो अवार्ड एकतर्फी जित्दै आएका हुन् । यस सिजन मेस्सीले ला लिगामा १० खेलबाट कुल ९ गोल तथा ५ एसिस्ट समेत गरेका छन् ।
प्रकाशित: Dec 31, 2017| 18:23 आइतबार, पुस १६, २०७४