पोखरा- पोखरामा जारी पोखरा प्रिमियर लिग (पीपीएल) टी-२० क्रिकेट अन्तर्गत विराटनगर टाइटन्सले चितवन राइनोजलाई जितका लागिड १ सय ४६ रनको लक्ष्य सुम्पेको छ । बुटनलले निर्धारित २० ओभरमा मात्र पाँच विकेट गुमाउदै १ सय ४६ रनको लक्ष्य सुम्पेको हो ।
पोखरा क्रिकेट मैदानमा टस जितेर पहिले ब्याटिङ गर्ने निर्णय गरेको विराटनगरका लागि विदेशी खेलाडी मुहमद जाइद आलमले अर्धसतकिय पारी खेले । उनले ४७ बल खेल्दै ६ चौका र दुई छक्काको मद्दतमा ५१ रन जोडेका हुन् ।
उनले पहिलो विकेटका लागि अर्का ओप्नर सुनिल धमलासँग ८७ रनको साझेदारी गरेका थिए । आलम १३.१ ओभरमा करन केसीको बलमा क्याचआउट हुन पुगेका थिए । अर्का ब्याट्सम्यान धमलाले ४७ रन जोडे । उनले ४५ बलमा सात चौका प्रहार गर्दै ४७ रन जोडेका हुन् । त्यस्तै प्रदिप ऐरीले ११, पुष्प थापाले ११ तथा राजेस पुलामीले ८ रन जोडे ।
चितवनका लागि स्मित पटेलले दुई विकेट लिए । उनले चार ओभर गर्दै २७ रन खर्चे र दुई विकेट लिएका हुन् । त्यस्तै कप्तान पारस खड्काले पनि चार ओभर गर्दै २९ रन खर्चेर दुई विकेट लिए । करन केसी चितवनका लागि एक विकेट लिए ।
प्ले अफमा पुग्न चितवनलाई जित्नै पर्ने दबाब छ । चितनवले जिते प्ले अफमा स्थान बनाउने छ भने हारे प्रतियोगिताबाट बाहिरिने छ । यता विराटनगर भने प्रतियोगिताबाट बाहिरि सकेको छ । तर, यो खेल जिते विराटनगरले जितसँगै प्रतियोगिताको अन्ते गर्ने छ ।
प्रकाशित: Dec 31, 2017| 18:23 आइतबार, पुस १६, २०७४