पोखरा- पोखरामा जारी सवार्धिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गत विराटनगर टाइटन्सले प्रतियोगितामा पहिलो जित निकालेको छ । विराटनगरले आफ्नो चौथो खेलमा बुटवल ब्लास्टरलाई १२ रनले पराजित गर्दै प्रतियोगितामा पहिलो जित निकलेको हो ।
विराटनगरले दिएको १ सय ४१ रनको लक्ष्य पछ्याएको बुटवलले निर्धारित २० ओभरमा ८ विकेट गुमाउँदै १ सय २८ रन बनाउन सक्यो । बुटवलका लागि भिम सार्कीले अर्धसतकिय पारी खेले पनि टोलीलाई जित दिलाउन सकेनन्।
उनले ४२ बल खेल्दै चार चौका र एक छक्का प्रहार गर्दै ५० रन जोडे । त्यस्तै सागर पुनले २९ रन जोडे । ओपनर आएका पुनले ३३ बल खेल्दै चार चौकाको मद्दतले २९ रन जोडे थिए ।
शंकर रानाले २३ रन जोड्दा सिद्धान्त लोहनीले १५ रनमा जोडे । त्यस्तै कप्तान सोमपाल कामीले ७ रन, साम्सद खेइखले रोहन मुस्तफा एक रन तथा चिराग सुरी र प्रकास केसीले कुनै रन जोड्न सकेनन् । विराटनगरका लागि कप्तान सन्दिप लामिछाने र किसोर महतोले समान दुई दुई विकेट लिदा सुनिल धमलाले एक विकेट लिए ।
यसअघी सन्दिप लामिछानेको कप्तानीमा रहेको विराटनगरले ७ विकेट गुमाउदै १ सय ४० रन जोडेको थियो । विराटनगरका मुहमद जाइद अलीले अर्धसतकिय पारी खेलेका थिए ।
४५ बल खेलेका अलीले छ चौका र पाँच छक्काको मद्दतले ७२ जोडे । त्यस्तै प्रदिप ऐरीले ४१ रन जोडे । उनले ४३ बल खेल्दै तीन चौका प्रहार गरे । अन्य ब्याट्सम्यानले भने दोहोर अंक छुन सकेन् ।
बुटवलका लागि ललित सिंह भण्डारी दुई विकेट लिएका थिए । त्यस्तै बिपिन कार्की, साम्सद सेइख र सागर पुनले समान एक एक विकेट लिएका थिए ।
प्रकाशित: Dec 31, 2017| 18:23 आइतबार, पुस १६, २०७४