काठमाडौं- राजधानीमा हाइप्रोफाइल हत्याको योजना बनाइरहेका समिरमान बस्नेत समूहका तीन जना सार्प सुटर पक्राउ परेका छन्।
महानगरीय अपराध महाशाखाले हाइप्रोफाइल हत्याको तयारी गरिरहेका तीन जनालार्इ झापाबाट पक्राउ गरेको हो। पक्राउ पर्नेमा लोप्साङ लामा, अमर रानामगर र रोशन बुढाथोकी छन्।
युवा संघ रुपन्देहीका अध्यक्ष दुर्गा तिवारी, निर्माण व्यवसायी संघका तत्कालिन अध्यक्ष शरद गौचनको गोली हानी हत्या र गुन्डा नाइके दिनेश अधिरी 'चरी' र दावा लामामाथि गोली प्रहार गर्ने तीन जनालार्इ सोमबार झापाबाट पक्राउ गरेको प्रहरीले जनाएको छ।
नख्खुमा रहेका समिरमान बस्नेतले यी तीनै जनालार्इ प्रयोग गरी काठमाडौंमा हाइप्रोफाइल हत्याको योजना बनाइरहेको सूचनाका आधारमा समीरमानलार्इ मुस्ताङ कारागार पुर्याइएको थियो भने तीनै जनामाथि सुक्ष्म निगरानी गरिरहेको थियो।
शक्तिकेन्द्रको नजिक रहेका समिरमानलार्इ भने मुस्ताङ पुर्याइएपनि फेरि काठमाडौंमा ल्याइएको छ।
यो पनि पढ्नुस्,समिरमानको हाईप्रोफाइल हत्या योजनाले झस्कायो प्रहरीलाईप्रकाशित: Dec 31, 2017| 18:23 आइतबार, पुस १६, २०७४