काभ्रे- काभ्रेको मण्डन देउपुर नगरपालिका-६ हेलम्बु राजमार्गअन्तर्गत ढकालथोकमा बा ३ च २८७ नम्बरको ल्याण्डक्रुजर जीप दुर्घटना हुँदा तीन जनाको मृत्यु भएको छ भने तीन जना घाइते भएका छन्।
जिप सडकबाट पाँचसय मिटर तल खस्दा नेपाल प्रहरीका बहालवाला डिआइजी शुशील भण्डारी, पत्रकार जीवन पराजुली र विनोद कार्कीसहित तीन जनाको मृत्यु भएको प्रहरीले जनाएको छ।
काभ्रे प्रहरीका एसपी रविराज खड्काले जानकारी दिए अनुसार डिआइजी शुशील भण्डारीको धुलिखेल अस्पतालमा उपचारको क्रममा निधन भएको हो। अन्य दुर्इ जनाको भने घटनास्थलमै मृत्यु भएको हो।
दुर्घटनामा पनौतीका प्रदीप बोगटी, धनराज पुरी र विनोद गौतम घाइते भएका छन्। घाइतेहरूको धुलिखेल अस्पतालमा उपचार भइरहेको बताएका छन् ।
प्रकाशित: Dec 31, 2017| 18:23 आइतबार, पुस १६, २०७४