सोमपालको उत्कृष्ट बलिङमा बुटवल विजय 

पोखरा- पोखरामा जारी सर्वाधिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गतको जारी खेलमा बुटवल ब्लास्टर्लले चितवन राइनोजलाई पराजित गरेका छ । सोमपाल कामीको कप्तानीमा रहेका बुटवलले पारस खड्काको कप्तानीमा रहेका चितवनलाई ७० रनले पराजित गरेको हो ।  

बुटवलले दिएको १ सय ३६ रनको लक्ष्य पछ्याएको चितवनले १६.५ ओभरमा सबै विकेट गुमाउदै मात्र ६५ रन बनाउन सक्यो । चितवनका लागि कुनै पनि ब्याट्सम्यानले बुटवलका बलर सामु खुले खेल्न सकेनन् । चितवनका लागि भुवन कार्कीले २० र कप्तान पारस खड्काले १० रन जोड्न बाहेका अन्य ब्याट्सम्यनले दोहोर अंकको रन जोड्न सकेन् । 

चितवनका लागि भरपर्दा ब्याट्सम्यानन मानिएका विदेशी खेलाडी सन्नी पटेल १३ बलमा ९ रन जोड्दै पेभिलियन फर्किए । त्यस्तै शक्ती गौचन ९, करन केसीले ७ रन जोडेका थिए । बुटवलक लागि सोमपाल कामीले सवार्धिक चार तथा ललित सिंह भण्डारीले २ विकेट लिए । त्यस्तै रोहन मुस्तफा, सागर पुन र अबिनास बोहराले समान एक एक विकेट लिए । 

यसअघि टस हारेर पहिले ब्याटिङके निम्तो पाएको बुटवलका लागि शंकर राना र सागर पुनको जोडीले बुटवलको पारी उकासेका थिए । १६ रन जोड्दा बुटवलले आफ्ना सुरुवाती तीन विकेट गुमाउन पुगेको थियो । त्यस पछि मैदान प्रवेश गरेका शंकरले सागरलाई साथ दिदै पारी उकासेका थिए । 

शंकरले बुटवलका लागि ४८ रनको पारी खेले । उनले ४१ बल खेल्दै ४८ रन जोडेका हुन् । त्यस्तै सागर पुनले पिन समान ४६ रन जोडे । उनले ४८ बल खेल्दै ४६ रन जोडेका हुन् । 

सिद्धान्त लोहनी १७ रनमा अविजित रहे । उनले १५ बल खेल्दै १७ रन जोडेर अिविजत रहेका हुन् । कप्तान सोमपाल कामीले दुर्इ बल खेल्दै ६ रन जोडे । तर सुरुवाती तीन अन्य ब्याट्सम्यानले भने दोहोरो अंक छुन सकेनन् । ओपनर चिराग सुरी १ तथा भीन सार्की २ रनमा पभेलियन फर्किए । रोहन मुस्ताफा शुन्य रनमा आउट भए ।

नेपाली राष्ट्रिय क्रिकेट टिमका बलर करण केसीले आफ्नो स्पेलको पहिलो ओभरको पाँचौ र छैटौ बलमा चिराग सुरी र रोहन मुस्ताफालाई लगातार आउट गरेका थिए । रामनरेश गिरी र शक्ति गौचनले समान १ विकेट लिए ।