मालबाहक ट्रकले ठक्कर दिंदा दुर्इ जनाको मृत्यु, एक घाइते

काठमाडौं- काठमाडौंको तारकेश्वर नगरपालिकास्थित लोलाङमा एक मालबाहक ट्रकले ठक्कर दिंला दुर्इ पैदल यात्रीको ज्‍यान गएको छ। मृत्यु हुनेमा गोरखाको सहिद लखन थापा गाउँपालिका स्थायी घर भएकी ६२ वर्षीय तिलकुमारी तिवारी र उनको चार वर्षीय नाति अजित तिवारीको मृत्यु भएको ट्राफिक प्रहरीले जनाएको छ। 

घटनामा गोरखा घर भएकी ६० वर्षीय सावित्री पुडासैनी गम्भीर घाइते भएकी छन्। उनको महारजगञ्जस्थित शिक्षण अस्पतालमा उपचार भइरहेको प्रहरीले जनाएको छ।

ना ६ ख ७८२६ नम्बरको सिमेन्ट बोकेको ट्रकले बाटोमा हिँड्दै गरेका पैदल यात्रीलाई ठक्कर दिएको महानगरीय प्रहरी बृत्त बालाजुले जनाएको छ।

ट्रकको ठक्करबाट घाइते भएको बालकलाई ग्रीनसिटी हस्पिटलमा उपचारकको लागि लैजाने क्रममा मृत्यु भएको प्रहरीले जनाएको छ। एक जनाको भने घटनास्थलमै मृत्यु भएको हो।