काठमाडौं- वैदेशिक रोजगार पीडित परिवारका बालबालिकालाई छात्रवृत्तिको लागि आवेदन माग गरिएको छ।
श्रम स्वीकृति लिएर वैदेशिक रोजगारीमा गइ करार अवधिभित्र ज्यान गुमाएका वा पूर्णरूपमा अशक्त तथा गम्भीर बिरामी भएका परिवारका बालबालिकालाई छात्रवृत्तिको लागि आवेदन माग गर्दै वैदेशिक रोजगार बोर्डले सूचना जारी गरेको छ।
छात्रवृत्तिका लागि आफू अध्ययनरत शैक्षिक संस्थामा असोज मसान्तभित्र निवेदन दिइसक्नुपर्ने बोर्डले जनाएको छ। निवेदन वैदेशिक रोजगार छात्रवृत्ति सञ्चालन कार्यविधि, २०७१ को अनुसूची ९१० बमोजिमको ढाँचामा दिनुपर्ने हुन्छ।
सामुदायीक तथा संस्थागत विद्यालयमा अध्ययनरत पूर्व प्राथमिक कक्षादेखि १२ कक्षामा अध्ययनरत १८ वर्ष मुनिका बालबालिकाले आवेदन दिन पाउने सूचनामा उल्लेख छ।