थप ३४८१ जनामा संक्रमण, ३० को मृत्यु

काठमाडौं– नेपालमा पछिल्लो २४ घण्टामा थप ३४८१ जनामा कोरोना भाइरस संक्रमण भएको छ। स्वास्थ्य तथा जनसंख्या मन्त्रालयले बुधबार दिएको विवरणअनुसार १६ हजार ६५६ जनामा परीक्षण गर्दा ३४८१ जनामा कोरोना भाइरस संक्रमण भएको हो। 

यस्तै पछिल्लो २४ घण्टामा ३० जनाको मृत्यु भएको मन्त्रालयको विवरणमा उल्लेख छ। मन्त्रालयका अनुसार यस अवधिमा १८८५ जना कोरोना मुक्त भएका छन्। चार जनाको परीक्षण गर्दा एक जनामा नेगेटिभ देखिने गरेको स्वास्थ्य मन्त्रालयले जनाएको छ। नेपालमा बुधबारसम्म ३८ हजार ३३ जना सक्रिय संक्रमित छन्।