फाइल तस्बिर
काठमाडौं- बंगलादेशमा जारी बंगबन्धु गोल्डकपको दोस्रो खेलमा आज (शनिबार) साबिकको विजेता नेपालले बलियो टोली प्यालेस्टाइनसँग प्रतिस्पर्धा गर्दैछ । बंगलादेशको सिल्हेट मैदानमा खेलमा नेपाली समय अनुसार बेलुका ६:१५ मा सुरु हुनेछ ।
मंगलबार भएको समूह चरणको पहिलो खेल गुमाएको नेपालका लागि यो खेल गर या मकरको अवस्थामा हुने छ । नेपाललाई दोस्रो चरणमा प्रवेश गर्न प्यालेस्टाइनलाई फराकिलो गोल अन्तरले पराजित गर्नु पर्ने छ । झिनो अन्तरको जित र बराबरीले नेपाल सेमिफाइनलमा पुग्न असफल हुनेछ ।
नेपाल समूह चरणको आफ्नो पहिलो खेल ताजिकिस्तानसँग २-० गोल अन्तरले पराजित हुदै आफ्नो अघिल्लो चरणको यात्रा कठिन बनाएको थियो । नेपालले प्यालेसटाइनमाथि कम्तिमा ३-० गोल अन्तरले पराजित गर्नु पर्ने छ ।
किनकी समूह ‘ए’ मा रहेको नेपालले अंक बिहिन छ भने यता, प्यालेस्टाइन र ताजकिस्तानले ३-३ अंक जोडेको छ । प्यालेस्टाइनविरुद्ध नेपालले जिते ३ अंक जोड्ने छ तर, नेपालले समूह चरण पार गर्न गोल अन्तरको भर पर्नु पर्ने छ ।
यसै खेलको नतिजाले समूह ‘ए’ को अघिल्लो चरण पुग्ने दुई टोलीको तय हुनेछ । तर, प्यालेस्टाइनविरुद्ध जित निकाल्न नेपाललाई फलामको च्युरा चपाउनु सरह हुनेछ । किनकी प्यालेस्टाइनविरुद्ध नेपालका तीन मुख्य खेलाडी घाइते छन् । उनीहरु मैदान उत्रने तय भएको छैन ।
तीन मुख्य डिफेन्डर विराज महर्जन, आदित्य चुधारी र अनन्त तामाङको उपस्थिति अन्योलमा छ । पछिल्लो समय नेपालले गत अक्टोबरमा एएफसी एसियन कप अन्तर्गतको खेलमा प्यालेस्टाइनसँग गोलरहित बराबरी खेलेको थियो ।
प्रकाशित: Dec 31, 2017| 18:23 आइतबार, पुस १६, २०७४