बुटवल– लुम्बिनी एमाले संसदीय दलले मुख्यमन्त्री पदबाट राजीनामा दिने या अविश्वासको प्रस्तावको सामना गर्ने निर्णय गर्ने अधिकार मुख्यमन्त्री शंकर पोखरेललाई दिएको छ। एमाले संसदीय दलको बुधबार बिहान बसेको बैठकले यस्तो निर्णय गरेको प्रमुख सचेतक भूमीश्वर ढकालले जानकारी दिए।
प्रदेशसभामा अविश्वास प्रस्तावमाथि आज दिउँसो छलफल हुने कार्यसूची छ। बैठकपछि प्रमुख सचेतक भुमिश्वर ढकालले अविश्वास प्रस्ताव दर्ता नै अवैधानिक भएको भन्दै राजनीतिक निर्णय गर्ने अधिकार मुख्यमन्त्रीलाई दिने निर्णय गरेको बताए।
उनले भने, ‘यो राजनीतिक निर्णय हो, यसको निर्णय मुख्यमन्त्रीले नै गर्नुहुनेछ।’ उनले अविश्वासको प्रस्ताव संविधानविपरीत रहेको बताए। उनले प्रदेश प्रमुखले पनि संविधानको भावना मिचेको आरोप लगाए।