कैलालीमा ट्रकको ठक्करबाट एक युवाको मृत्यु 

कैलाली- कैलालीको लम्की चुहा नगरपालिका ४ मा ट्रकको ठक्करबाट एक जनाको मृत्यु भएको छ । 

ना ४ ख १२४७ नम्बरको ट्रकले से ४ प ७३७० नम्बरका मोटरसाइकल चालकलाई किच्दा एक युवाको मृत्यु भएको छ । मृत्यु हुनेमा मोटरसाइकल चालक लम्कीचुहा नगरपालिका २ का भागीराम चौधरी रहेको प्रहरीले जनाएको छ । मोटरसाइकलमा सवार विनोद विश्वकर्मा घाइते भएका छन् । उनको स्थानीय लालरत्न अस्पतालमा उपचार भइरहेको छ।

मृतक चौधरी चढेको से ४ प ७३७० नम्बरको मोटरसाइकल र घाइते विश्वकर्मा चढेको से ६ प ७०४१ नम्बरको मोटरसाइकल एकापसमा ठोक्किएका थिए। चौधरी पूर्वबाट पश्चिमतर्फ र विश्वकर्मा पश्चिमबाट पूर्वतर्फ गइरहेको प्रहरीले जनाएको छ।

मोटरसाइकल ठोक्किएपछि सडकमा लडेका चौधरीलाई लम्कीबाट धनगढीतर्फ गैरहेको ना ४ ख १२७४ नम्बरको ट्रकले किचेको ट्राफिक पोष्ट लम्कीका इञ्चार्ज नवराज शाहीले जानकारी दिए। 

उनले मृतक चौधरीको शव टुक्रा टुक्रा भएको अवस्थामा रहेको बताए। शव पोष्टमार्टमका लागि टीकापुर अस्पतालमा राखिएको छ। घटनामा संलग्न ट्रकलाई प्रहरीले गौरीगंगा नगरपालिका मसुरीयाबाट नियन्त्रणमा लिएको छ।